Euskal Herriko artilea berrerabiltzeko proiektua

Amalurrari eta artisautzari diedan maitasunak bultzatuta hasi nintzen artilea lantzen.

Material natural eta birziklatuekin produktu jasangarriagoak egin daitezke

arrow
arrow
artileamundura 67

Kaixo, Rakel dut izena eta Gamiz-Fikan bizi naiz. Artilea botatzen eta zaborretan pilatzen zela jakin nuenean, hura lantzen hasi nintzen, pixkanaka ikasiz, informazioa bilatuz eta beste artilearen artisau batzuen laguntzarekin.

Artileak garrantzi handia izan du Euskal Herriko ekonomian. Lehengai horrekin egin izan dira denbora luzez eguneroko hainbat gauza: Koltxoiak, burukoak, arropa, tapakiak, alfonbrak...

Gaur egun ordea, material berriek ordezkatu dute, gehienak petroliotik eratorritakoak eta globalizazioak emandakoak, eta horrek ingurumen-hondamendiak eragiten ditu, garraioaren, baliabide naturalen eta giza baliabideen gehiegizko esplotazioaren ondorioz. Material modernoak, ikusgarriak eta merkeak dira, baina gure osasunarentzat, ingurumenarentzat eta gure etorkizunarentzat kaltegarriak aldi berean.

Material sintetiko berriak edo latxa baino leunagoak diren artile batzuk direla eta, gure artzainentzat arazo bihurtu da artilea, zabortegietan edo erreta amaitzen du, ingurumen-arazo handia sortuaz.

Nire interesa zera da, irizpide jasangarrietan oinarrituta ustiatzen diren bertako ardi-arrazen artilearen erabilera berreskuratzea eta sustatzea. Era berean, produktuak material natural eta osasuntsuago batekin egin daitezkeela erakustea eta kontzientzia sortzea, gainera ingurumenerako kaltea saihestuz.


Artilea Landuz

 

 

 artileamundura 5  

Hasi nintzen artilea batzen inguruko baserri eta ustiategi txikietan. Batu ezean, tratatzen zail bihurtuko litzatekeen zaborra dira gaur egun artilea eta larruak, gure inguruan ezer gutxirako erabiltzen baitira orokorrean. Artilea garbitu eta gero, harrotu behar da.

   

artileamundura 16  

Behin artilea harrotuta, “fieltrado” teknikaz gauza desberdinak egiten ditut: panpinak, jokoak, kuadroak, poltsoak, etab.

Lanaren emaitza

Ekoizten ditudan gauza gehienek bertoko artilea daramate. Artilearen zati bat neuk tindatzen dut,

baina kolorezko artile gehiena erosi egiten dut, ahalik eta hurbilenetik, Europaz kanpoko artilerik ez dut erosten.

Hemen ikus ditzakezu nik egindako lan batzuk, guztiak originalak, desberdinak eta bakarrak.

Eskaera berezi edo pertsonalizaturen bat egin nahi badidazu, jarri nirekin kontaktuan eta aztertuko dugu.

 

 IKUSI GEURE PRODUKTUAK 

Panpinak
Ardi latxaren artileaz egindako panpinak
Txori etxeak
Ardi latxaren artileaz egindako txorientzako etxeak
Kuadroak
Ardi latxaren artileaz egindako kuadroak

TAILERRAK ETA KURTSOAK

 

Ume eta nagusientzako tailer eta ikastaro antolatzen ditut, eskoletan, azoketan, tailerrak egiteko lekuari eta iraupenari dagokionez eskatzailearen beharrizanetara moldatzen naiz.
Helburu nagusia ingurumenaren zaintzaz kontzientziatzea, ikastea, entretenitzea eta ondo pasatzea da.

Lanerako erabiltzen ditudan makinak erabiltzen ditugu tailerretan, horrela umeek (edo nagusiek) makinak erabiltzeko eta euren kabuz gauzatxoren bat egiteko aukera daukate, gero oroigarri modura etxera eroaten dutena.

Euskal Herriko artilea erabiltzen dugu lehengai nagusi modura, material organiko eta naturala, horrez gain beste material batzuk ere berrerabiltzen ditut.

                                                                              LOGO EUS        unnamed        LOGO CAS

 

Kardatze Eta Irute Tailerra

Fieltro Tailerra

Kardatze Erakustaldiak

Irute Erakustaldiak

Eskolaz-kanpoko Ikastaroak

  • Kardatze Eta Irute Tailerra
  • Fieltro Tailerra
  • Kardatze Erakustaldiak
  • Irute Erakustaldiak
  • Eskolaz-kanpoko Ikastaroak
 

DSC09513

Cookiak erabiltzen ditugu erabiltzaileen nabegazioa hobetzeko asmoarekin. Nabigatzen jarraitzen baduzu legezko abisuaren baldintzak onartzen dituzu.